سلامة الجعفري
مرحبا ترحيب من قوته قادر يطيـر=من ديار عيال وايل ليا دار الحروب
يافهد حضر وندهن لك السير ويسير=واللسان يبين اللي تخفيـه القلـوب
فهد الفريدي
البقا باللي يرحب وترحيبه خطير =عند ربع تحتم الجال لا شبت شبوب
والله اني باتخيّر ولا ارد كـل بير =ما ارد الا الريهجاني ممليت الغروب
سلامة الجعفري
ماعليكم زود فالوقت الاول والاخيـر=بس تحريف الحقايق من كبار العيوب
احمد الله كل بيـرٍ بديرتنـا غزيـر=والمعاني دوبها بيننـا والليـل دوب
فهد الفريدي
ماذكر مـره يزيد اعــترف بـابن الزبـير= انظرو تاريخ بعض القبايل والشعوب
صـاحبي مـاوده الا يصيّف في عـسـير = التهامـي مـن يـرده تـنــحر للـجـنوب
سلامة الجعفري
يذكرون مسيلمة صـار للعالـم نذيـر=والجهل خلى العرب تتبعه لو هو كذوب
صاحبي عن بعض ماقال ليته يستخير=الدليلة يعرف المشي في كل الـدروب
فهد الفريدي
من قديم الوقت والعوج فـ رقبة البعير = لـو يـغلـب قـال ياقـوم مــاني بـمغـلوب
ياعقيد القوم لا تخلط البر الشعير= وانت ابو راس مسوى وابو بطن معصوب
سلامة الجعفري
البعيـر نميـزه بالرغـا والا الهديـر=كيف ينطق يارجال المواقف والوجـوب
يالفريدي مانبـي لـك قليـل ولاكثيـر=وانت ابو فعل ٍ قصيّر وابو قول ٍ سحوب
فهد الفريدي
روّح الاسم الصغيّر وجانا بالكـبير = يا حليل اصحابنا اللي تقديها الـهـبوب
لـو يــدورن الليالي لك الله مـا يـصـير = ما تصاحب ذيب لابه مع الذيب الهلوب