السلام عليكم ورحمة الله وبركاته اخواني واخواتي في منتدى ويلان الشامخ اعذروني على الغياب
واضع بين ايدكم هذه المتواضعه لعللها تشفع لي غيابي
قالوا حرامية قصيدك مشاهير = قلت البحر ياما غدت له سحابه
الى كتبته في زمان الطباشير = مازالت الساحه تحلل جوابه
من مدرسة شعري تخرج طوابير= وانا الاديب الي زمانه غدابه
لو الحقيقه تنكشف للجماهير= قالوا غريبه يازمان الغرابه
كيف الاديب الي حروفه مسامير= شعره غدى بلسان غيره ربابه
من قمحنا ياما تغذت عصافير= وماراح منا ما حسبنا احسابه
قضيت من عمري دروب ومشاوير= وما كنت احسب للقلم والكتابه
واليوم ابسوي مثل سالم الزير= واشعل مقابيس الوغى للحرابه
والله مالي بالمواقف معاذير= وان كان سيفي ما تدسم نصابه
انا الذهب يااهل الورق والدنانير= لو االزمن سوى علي انقلابه
تدور باطراف الجزيره معاصير= الروس تبقى والفنى للذنابه
ياهل الخشب حنا خشوم المناشير=كلن يفتش وش بقى من زهابه
وقولوا لفرعون القصايد مسا الخير= الجن مايخضع لحكم الدعابه
صغيرهم عندي يدق المزامير= وكبيرهم يفخر بفعل الصحابه
تحرري ياساحة الشعر تحرير= سيلن تحدر من عوالي اهضابه
تلقى على دربه زهور ونواوير= يلقى بها من ضاق صدره رحابه
مررتها منى للابطال تمرير= الي لهم من بد خلقه مهابه
والله مصورهم بالايات تصوير= حكمه من الله منزله في كتابه
بوجيهم نور الهدايه نوافير= يمشون مع هديٍ نبيه مشى به
والله لاذكرهم على الناس تذكير= قبل الغنم تسرق مديح الذيابه
ملعون يامن بشر الوضع تبشير= بالعولمه والا بحملة خرابه
صرنا تحت رحمة شعوب الخنازير= حتى اندفن مجد العرب فى ترابه
وسلامة الجميع