[عبدالعزيز السعود]

سلام للشملي من أدناه لقصاه =ومن أكبر الشياب لصغر شبابه

قالواخلف فر المناطق ولا جاه= وأصغر هل الشملي وصلني عتابه

قلت أه لوتدرون عن حرقت الأه=وش الرجل من غير عزوه ولابه

مبطي وانا عيني تفيض بحلولاه =ياشوفت الشملي وقولت هلابه

من زود ماغليته بعد شعري اغلاه = كل ماهذى جن القصايد هذابه

هذا أنا جيته وجيت أطلب أرضاه =بالقاف والمعنى وفن الخطابه

من لامني في مدح ربعي أبهجاه =لا واعذابه صدق لا واعذابه

ومن يفتدي ربعي عزالله أفداه = روحي فدى له قبل روح الكتابه

هذا الصحيح وزبدة الهرج مغزاه = لولا مهابتكم فلالي مهابه

بيت كتبته وأفتخر كل ماقراه =ويزيدني عز وشموخ وصلابه

من عزوته عناز ماهو وعزاه = لا بالله الا عز من يعتزابه