سلامة الجعفري
ياهلا مرحبا باسم ربع الكرم...ربعي اهل الوفا والكفا والسلـوم=من لسان صدوق وضمير صدوق... ياهلا مرحبا باسم ربع الكرم
يالفريدي خصيمك هنا واحتزم... وانت ماتجهل اللي يسد اللزوم=مار عايش بحلمك لعلك تفوق... كل ماقلت خصمك هنا واحتـزم
فهد الفريدي
والـبقـا عـد مـا خـط راس الـقـلم... يا سـلامـه تـهـيّـض وهـات الـعـلـوم=وانت رجـال تاخذ وتـعطي حقـوق... والـبـقـا عــد مـا خـط راس الـقـلم
نرضي الخرج ويضيق منا الدلم ... مار لو ضاق ما تصل روس الخشوم=لـو تـخـيـّر وجـانا بـزيـن الـطـروق... نـعـرفك مـا نـغـرك يا راع الدلـم
سلامة الجعفري
المعرفة تراها لكل الامم ... كل واحد لقـا قسـم بيـن القسـوم=وانت من شين مذهبك تبغى تحوق ... المعرفة وهي حظ كل الامم
قدمك الدرب لكن ّ سج القدم... الشـلاوى تميـز كـلام البقـوم=والمعاند يبي ينتهي لو يذوق ... مار سج القدم قبـل زل القـدم
فهد الفريدي
مير ما كل من طاف وسط الحرم ... لابس حرام وحزام طاف القدوم=يحسن الدقن والراس جاك محلوق ...وانته اللي لقيناك وسط الحـرم
ليه ترسل علينا عيال العجم ...تـحـسـبن العـوافـي تـدوم وتـدوم=جابك الله وابقضبك قضبة سروق ... يوم ترسل عليه عيال العجـم
سلامة الجعفري
مصدر العلم فالناس شيخ ٍ علم ... يعرف الدين والله غفور ٍ رحوم=مار ابااخبرك حتى ان جوك يروق ... انت والله ماانته بشيخ ٍ علم
قصدي اغريك قدام ريع الندم ... لين تاصل هقاويك حـد النجـوم=ثم اسوقك بروس المشاعيب سوق ... بعد حطيت رحلك بريع الندم
فهد الفريدي
الصحابة منـول تعبد الصنم ... لا صلات تـصلى ولا فـيـه صـــوم=قبل بعثة محمد قليل الصدوق... الصـحابه مـنـول تـعـبد الصـنـم
ياجملنا تردّم عليك الشحم ... شيل حملك وحملك عليك مـحــزوم=اجحد العسر لاتبين فيك الفتوق... يا جملنا تـردّم عليك الشـحـم
سلامة الجعفري
نور الاسلام غطى ظلام الوهم ... وانت من بعد ماقلت يلحقك لوم=لو تسوي مابين العوارف فروق ... قلت للحين عايش بذاك الوهم
فيه بعض السوالف بليا طعم ... زادك الله بها معرفـه كـل يـوم=ثوب ابو زيد بانت عليه الشقوق... يوم صارت علومه بليا طعـم
فهد الفريدي
زراع الخوخ والتين عند السلم ... كيف يامـن علـيهـا لهيب الـسمــوم=يبست اورقها من يباس العروق ... تزرع الخوخ والتين عـنـد الســلم
فيه بعض الصوايب تجي فالعظم ... وانت لـن طـحت قلنا لعلك تـقـوم=عاقتك بعض الاريا والاشوارعوق ... لين حصلتها في صليب العظـم
سلامة الجعفري
دولة الصين قالو خلقنا العدم ... عندنا شعب دايم قـوي العـزوم=والحقيقة ثمرهم بليا عذوق ... لو يقولـون حنـا خلقنـا العـدم
صاحبي فالملازيم كفو ونعم ... بس انا ماحسبته حساب الخصـوم=لو يجي فالغروب ويجي فالشروق ... مااعتبرته ولو كان كفو ونعم
فهد الفريدي
هامة الشعر فيها ركـزنا العلم ... يوم سيفك مـا جـمـّلك مــع كـل قــوم=واكثر الناس واولهم انت محروق... هـامة الشعر فيها ركـزنـا الـعـلـم
ما تكاثرتها من وساع الذمم ... مار شقحان ( قـيـده فـتـر) ومخطوم=تنكر المـزن لـو شفت نوض البروق ... ماتغاربتها مـن وسـاع الذمـم
سلامة الجعفري
مصر لو كان تفخر باكبر هرم... مابنـت مثـل لـو نـه ولـو بالحلـوم=لكن السيف كم شخص منه زهوق ... حتى اهل مصر اللي فخرها اكبر هرم
يافهد كل رجال يعرف بااسم ... وانت معطـى ولا قلـت عنـك محـروم=بس انزلك منزالك اللـي يلـوق ... يافهـد كـل رجـال يعـرف بااسـم