اقتباس:
المشاركة الأصلية كتبت بواسطة فهد الغبين
ربما يكون هذا النص هو الاخير
كما كان أبي ..هو أخر رجل ..افقده
هي محاولة رثاء لنفسي
في وفاة والدي الشيخ / خلف بن ذعار بن نايف بن غبين
من
يقول أبوي
مات
ما أصدق
ما يموت
مايموت
اللي سكن بين الضلوع
مايموت
ما
يموت
مايموت أبوي لحظة
حتى لو هو
صدق
مات
مايموت
للدمع صوت ..ولنخناقته ..عبرات=تغفي على صدر الحزين ..برحيله
عبدالإله ..أبوي ..ياخوي ..مات=حي ٍ ..وهو ..مدفون ..فوق الطويله
مرحوم ..ياللي ..ماتوفيك ..الابيات=يابو الفخر والجود ..يابو النفيله
مثلك ..وطن ..ماتحتويه ..المساحات=أكبر مساحات الحياة ..الجميله
كنت أرسمك ..يبه أمل ..للمحطات=وكنت اقطع حدود الزمان ..واجيله
وكنت التقي بك ..كل عام مضى فات=مثل الدخيل ..المحتمي ..في دخيله
يبه ..تعال ..وصحني ..كافي سبات=ماني مصدق رحت ..لو مالي حيله
شفني بكيتك ..دم ..لو دمي ..رفات=ميت بكى ميت ..ويرثي رحيله
يبه ..تعال ..وضمني ..لوهو بسكات=كافي علي الوقت ..ينفض شليله
خذني معك ..مابي افارقك ..يالذات=خذني كما سيل ٍ ..جرفني ..مسيله
|
الشاعر الفاضل.
فهد الغبين.
اسأل الله العظيم القدير ان يرحمه وان يسكنه فسيح جناته وان ينقيه من الذنوب والخطايا كما ينقى الثوب الابيض من الدنس.
عظم الله اجركم اخي الكريم والهمكم الصبر والسلوان وانا لله وانا اليه راجعون.
ولاحول ولاقوة الابالله.
اخوك محمد العنزي