صالح السالم
تعال استمع ياماجد العلم ملح ونار=لو ان الخبر ما ودي الناس تدريبه
لو ان اخو هدلا مات في عز وسط الدار=له افضل من ان الغرب تمسك تلابيبه
ماجد الولدعي
تهرّج يابن سالم ونعرف وش اللي صار = اذا العلم صح او خالطه شك ٍ وريبه
بعد صارت ادياره يابن سالم استعمار = رحل غصب لاتحسبه رحّال من طيبه
صالح السالم
بعد ما لقينا سيفنا الصارم البتار=مع الناس يمشي غير ماحدٍ بداريبه
يحاول يخفي مظهره والحياه اسرار=هنا محترف وهناك كلا يعديبه
ماجد الولدعي
ترى سيفكم يااصحابنا عارف المعيار = يوم انك عن النيشان حذفه وتجنيبه
انا اشوف صالح خان مبدأ حقوق الجار = ليا اقفا صحيبه قام يشذب عراقيبه
صالح السالم
لقيناك يا ماجد مخاويه بالتيار=توافق افكار وطيب الراي يا طيبه
انا جيت في وضح النقاء ما انتقي وختار=ما اهيب المواقف وان تواجدت لي هيبه
ماجد الولدعي
ترى مطلق وصياف عاشو على مقدار = رح انشد هلا الطايف ياصالح واهل طيبه
تقوله لكن انك كما الثعلب المكار = تخلط الحجف بالتمر والتمر بالعيبه
صالح السالم
مطامعك واجد وانت من جرف في محدار=ياليتك من اللي يعترف في معاييبه
ترى كل شيٍ له مبادي وله معيار=لا تتبع طريق اللي يغثرب مشاريبه
ماجد الولدعي
يالولا الخشب مافيه وسط البلد نجار = وانا حاضر ٍ واللولو آعرف مكاسيبه
انا في طريقي مامشيت الطريق يسار = احج وآصوم وكل مسجد اصلي به
صالح السالم
لو ان العرب شدو على ايديك يالمختار=ما كان البشر من بعد ما رحت في خيبه
ترى فيه علم وانت عاصي عليه امرار=تمعن قبل تاقف بموقف تعاني به
ماجد الولدعي
عسى الله يبارك في هلا المرجله والدار = واظنك تعرف بمنزلة حرب وعتيبه
علومك تشكّل ولا انا ماغدى لي ثار = ماتصبر ياكود انك تضوّي لك مصيبه
صالح السالم
تعلمت منا فن رمي الهدف تكرار=وجانا يجرب بندقه ويش اسوي به
اعلمك يوم ان الذكي يفتهم بشعار=وانا ادري بشيٍ عارفك مانت داري به
ماجد الولدعي
هذي طلقة ٍ ثارت علينا بدون عيار = على قولهم مابين مزحه وتكذيبه
تخيّرت مابين الجحارات جحر الفار !! = علامك جهلت الصيد وطويق ياذيبه