اقتباس:
المشاركة الأصلية كتبت بواسطة فرحان الفدعاني
اليكم هذه المتواضعه وعسى انها تجد القبول عندكم وتروق لذائقتكم
ياصاحبي لاتعانق صياحي صياح=وتزعل وحنا مابدينا بعدنا
تعال اجلس خلنا شوي نرتاح=نبي نتصارح دام حنا وحدنا
مافيه عقده مالها حل ياصاح=بنحلها لو كان حنا اعتمدنا
لا لاتكابر تدري الود فضاح=يبين لعيون البشر لو جحدنا
قبلك اخذت بدرب الاحباب ملواح=ومن كثرماشفنا ترانا استفدنا
لاصار لي ترتاح وانالك ارتاح=وربي وربك باالمحبه قردنا
ليه الزعل والهم في جونا لاح=وابليس في خبثه وشره هجدنا
قم العن الشيطان قل الحطب طاح=حط اصبعك بعيون منهوحسدنا
مادام فنجال الهوى بيننا فاح=اقرب نبي نلهد زمانن لهدنا
نبي نرجع وقت ماضي لنا راح =ونرسم من اليلة ليالي سعدنا
|
الشاعر القدير.
فرحان الفدعاني.
مااجمل حضورك وما اجمل شعرك في هذه الليله.
صح لسانك ملايين على هذه الرائعه.
ودمت بكل الخير.
وبكل الشوق نتطلع الى المزيد.
اخوك محمد العنزي.