السلام عليكم ورحمة الله وبركاته
ومعذرة للغياب
ففي الحقيقة وقتنا هذا تحتاج القريحة للاستمطار
وهذي ابيات متواضعه تشرح صورة لاتعجبني من بعض شعراء الساحة !!
واعذرونا على القصور
ياقايل ٍ عني لك ايام مفقود = ماامطر علينا من سحابك سحابه
نصف الذي في ساحة الشعر موجود = من عالم ٍ هامت بحب الكتابه
ماله اسم عندي سوى دبلة كبود = يخلي الرجال يفقد صوابه
حتى الذي مايطلب لشعره لشهود = مغلفه باحساس صدق وذرابه
مما حصل لو كان ماهو بمحدود = ماكان تعب للمعاني ركابه
مليت صورة عاشق الكاعب الخود = اللي كلامه صار كله رتابه
يبدى يوّصفها بلا شرط وقيود = ماهو بحاسب للمروءه حسابه
ثم يتمنى ليت ماكان مولود = من بعد ماشاف الجمال وشقابه
يقول وابلواي من ناعم العود = عزالله انه مسرف في غيابه
ماهو بحب ... الحب مافيه منقود=كم طيب ٍ مبطي شكا من عذابه
هذا غلاه مغامره مابها زود= ومرادها الخيبه وفيها الخيابه
ماغير صاحبها عشق وجه ونهود= ومصرح ٍفيما جرى لاغرابه
دام الحيا ماهو على وجه نمرود= يمكن على الجمهور يفصخ ثيابه
والمشكله سيفه ورا الوصف مجرود = كانه سأل والخل عيا جوابه
يرسم معارك بين طارد ومطرود= ويحط نفسه فارس ٍ ينعدابه
وأنا وأنا ... وصلنك ايامك السود= صاحبك كل ٍ بالملاقا يهابه
تقل يتعزوا ضد رجال معدود = ماهي بحرمه ماتعرف المجابه
ياقايل ٍ عني لك ايام مفقود = ماامطر علينا من سحابك سحابه
تلومني والوضع هلون موجود = من عالم ٍ هامت بحب الكتابه