بسم الله الرحمن الرحيم
يالشمري قوة تبوك اللي عن الديره شمال=ياشينها بعدك وزادت بالرجال احزانها
مااقول فيها اقصور ابد فيها عريبين الخوال=فيها رجالن بالوفا والطيب عالي شانها
واليوم بعدك صاحبك فواز ظايق لامحال=من يوم ماجاني خبرك انك تركت اوطانها
لكن لحظه واستمع قدام لاتشد الرحال=عندي نصيحه من هجوسي والوفا عنوانها
العسكريه وش تبي غير الصبر والاحتمال=ولولا الصبر تلقى الكتايب قفلت بيبانها
لاتستمع للي حكوا مهما عن الموضوع قال=ناسن اتسولف بس بالواقع قصار ايمانها
العسكريه رزق قاسمها لنا رب الجلال=نصبر عليها لو يثور امن العنا بركانها
ومادام جاء طار العنا اسمع وابضرب لك مثال=بأعلمك بجدودنا يوم العناء بأزمانها
كان العنا كان الشقا معهم على طول الليال=واخوان من زود الشقا ماتلتقي باخوانها
واللي يبي ايعيش ابزمنهم لازم ايخوض القتال=مسلم ذبح مسلم والام تصيح مع ورعانها
واخوان تذبح والابو لامن وصل ديرته قال=للام ماتو كلهم والام زاد اجنانها
واليوم حنا ابخير وابعز ورخا وابطيب فال=في ظل دوله عادله مايظلمك ميزانها
والوايلي يالشمري يطلبك يانسل الرجال=النفس لو تتبع هواها دهورك شيطانها
ارجع ترانا ابصوت واحد ياولد مسند نعال=عجل ترانا ننظرك النفس زدت احزانها
حنا معك مانتركك والله لو طال الجدال=يمنى الخوي عز الخوي لو ثوروا بركانها
والله ماهو شاربي يترك عريبين الخوال=انا الخوي آقف معه لو ولعوا نيرانها