قصيدة جديدة اتمنى ان تصافح نقاء قلوبكم
مافكرت في نفسي وتفكيري فهموم الناس = ولا عمري اقول (لزمه) في شعري مالها لزمه
انا ارجوك تعفيني بحق الحب والاحساس = بحق شموع ذابت لك عشان تضوي العتمه
بحق التضحيات اللي تغمرك دونما مقياس = بحق عيون تبكي دم لجل تهدي لك البسمه
انا ارجوك تعفيني وجنّبي وجّع هالراس = غرامك صار ما ينطاق بعد ما فقت من صدمه
طغى حبك على ذاتي ونساني هواك الناس = غرامك شيّب براسي وسرق من عيني البسمه
ابي تنساني بمعروف وتكفيني كلام الناس = بكل هدوء فارقني فراقك طاب لي رسمه
شربت الشهد من يدك وشربت المر بنفس الكاس = وعفت الكاس مع شهده مدام ان السرى زحمه
بذريعة عيد لا تاتي تبي الرحمه تحب الراس = ترا حبك طلبك الحلّ بس ادعي له بالرحمه
رماديّه تشوف قلوب اغلبها طواه الياس = شَعر اسود على شايب صبغ خصلاته العتمه
شعورالقلب وقلب شعور خصوبه والحصاد يباس = فالظلما رسم لوحه وبار الصدق في رسمه
العيوووف