ومن هنا ستنطلق رحلتنا عبر الكلمة الاكثر بُعدٍ
رحلتنا تبدأ بأختيار قصيدة كامله لشاعرنا
ومن ثم نبحر معه بمقتطفاتٍ مختاره من قصائده المختلفه
وفي نهاية الرحلة نختتمها بقصيدة كامله هكذا ستكون رحلتنا.
اذن لنبدأ مع شاعرٍ
تنقلت قصائده بين صدور الرواة
كماهو عاش متنقلا
شاعر مقل ولكنه مجيد
لم يطرق باب الاعلام ولكن حُفظ له الكثير من القصائد
شاعرٍ قصيدته مرتبطه ارتباط وثيق بالاصاله
شاعرٍ حرفه سفير أمين لصدق الموهبه وسمو الفكر
تذكرني بلاغة قصائده
بالشعراء الصعاليك
الذين حملوا هذه التسميه
للطريقة التي كانوا يعيشون
بها وفرضت عليهم منهجيةٍ مختلفه
لبناء القصيدة وبلاغتها وكانوا اعلامٍ
ببلاغة الكلمة وسرعة البديهه 00
شاعرنا شاعرٍ متمكن
حكيم
قصيدته مؤثره
وحجته رصينه
وشاعريته حقيقيه0
نستهل رحلتنا معه بهذه القصيدة...
وادعو من يحفظ له ان يسجل حضوره
بماحفظ من قصائد هذا الشاعر
فمالدي لهذا الشاعر لايفي بما ابحث عنه..
اترككم مع اولى الوقفات
وسنواصل الرحلة
مع مختاراتٍ قصيرة من قصائده 00
حلمت ليّه حلم ياشيخ عمار= ومن حلمتي له صار بالقلب تأثير
حلمٍ سرابي تالي الليل لديار=وأصبحت عن هالدار في ديرةٍ غير
مع وسط ناسٍ مالهم غير الأذكار= غابوا عن الدنيا وجونا مسايير
من غير حروه جونا الأخيار زوار= وقامت هلاهيل الفرح والتباشير
أفترت المكره على ماض الادوار= على زمانٍ يوم أنا شبّ وصغير
أحيّا آمالاً كاذبه يأبن الأخيار= حلمٍ يصوّر لي هاك الوقت تصوير
شفت السلف فاتوا على جيش وامهار= وشفت الضعون المقفيه والغنادير
ويوم أختفوا طلعت برا عن الدار= فزيت أبرقا نايفات العناقير
الياآني بحوش وبين بابين وجدار=مامن سلف حولي ولامن مظاهير
احلام ليلٍ من هواجيس الأفكار=سوّن بلقبي في منامي مصاخير
طرى عليّه سجةٍ عقب الأمطار= بدفّاق هملول المزون المبادير
ياما حلى صوت أم سالم بالأقفار=والجو هادي مابروضه معاصير
مستانسين بصوتها وسط نوّار= نسمع غناها طلعت الشمس واعصير
والديك مانوحيه يلعي ورا الدار= وباليل مانسمع رجيف المواطير
ياغير عوي الذيب أو حنّة احوار= وصوت النجور اللي تجيب المسايير
اليا أنتهى المرباع وردوا للأبيار= وكلٍ لذوده جر حوضه على البير
يازين شوف اضعونهم هاك الأدوار= وشوف النزول اللي على الماء مقاطير
يوم الشباب ويوم لفتات الأنظار= لبيض الخدود اللي عليهن دواوير
وابكرتي تقطعت عنها الأخبار=وأفخت حروة وردها والمصادير
نشدت عنها كل طارش ودوّار=وأيست ماجابوا خبرها المداوير
يوم العوارض سود والشيب ماصار= نلقى عوضها مع طياح المغاتير
وجنّا سنينٍ ماعرفنا لهن كار= وراحن علينا من كبار المخاسير
حضارةٍ عمّت على كل الأقطار=بسلمٍ جديد اليوم وسلومنا غير
لقيت ناسٍ ماتبي شبت النار=وقلت السبب؟ قالوا حضارة وتطوير
والنجر مال لدنته عندهم كار= عدّه وحي سطلٍ يدهديه معصير
ولو جيت تدعيهم على بنّ وابهار= أعطوك من عذر السكانه معاذير
من خوف " لايفوتهم" فلم غوّار= وأفلام كرتون ووراها فوازير
الشاعر/ عايد بن ضافي الجعفري
سنستكمل الرحلة لاحقا...