الاخ العزيز/ عوض بن خميس
الله يعطيك الف عافيه على هالقصايد الراااائعه والمجهود الجبار ونحن بدورنا نشكرك عليه
امل ان تقبل الاضافه التاليه وهي قصيده لشالح بن هدلان بأخيه الفديع
والثانيه لضيف الله بن حميد بأخيه عبيد
قال شالح بن هدلان بأخيه الفديع
أمس الضحي عديت روس الطويلات = وهيضت من راس الحجا ماطرالـي
وتسابقن دمـوع عينـي غزيـرات = ضفقـت بالكـف اليميـن الشمالـي
وجريت من خافي المعاليـق ونـات = والقلب من بيـن الصناديـق جالـي
واخوى ياللي يم قارة (خفـا) فـات = من عاد من عقبـه بيستـر خمالـي
ليته كفانـي سـو بقعـا ولا مـات = وانـا كفيتـه سـو قبـر هيـالـي
وليته مع الحيين راعـي الجمـالات = وانا فدا لـه مـن غبـون الليالـي
واخوي ياللي يوم الاخـوان فـلات = من خلقته مـا قـال ذالـك وذالـي
تبكيه هجن تالـي الليـل عجـلات = ترقب وعدها يـوم غـاب الهلالـي
وتبكي على شوفـة بنـي عفيفـات = من عقـب فقـدة حرمـن الـدلال
عوق العديم إن جا نهـار المثـارات = والخيل من حسـه يجيهتـن جفالـي
وقال ضيف الله ابن الامير تركي بن حميد يرثي اخيه عبيد
ياونتي ونّة كسير الجباره = اليا وقف مااحتال واليا قعد ونّ
عليك ياشبّاب ضوّ المناره = عليك ترفات الصبايا ينوحن
من مات عقب عبيد قلنا وداره = لاباكيٍ عقبه ولا قايلٍ من
تبكيه صفراّ البسوها الغياره = وتبكيه يوم انّ السبايا يعنن
وتبكيه وضحٍ ربعّت بالزباره = اليا قزن من خايعٍ مايردّن
الخيل عقب عبيد مابه نماره = وشعاد لوّ راحن ووشعاد لوّ جنّ
ياشيخ ماتامر عليهم بغاره = كود الجروح اللي على القلب يبرن
يقطع صبيٍ ماينادي بثاره = الى اقبلن ذولي وذوليك قفّن
ياهل الرمك كلٍ يعسف امهاره = والمنع مانطريه لاهم ولا حن
اما قصيدة سعدون العواجي بعد اذنك ابعدلها
ياونة ونيتها تسع ونات = مع تسع مع تسعين مع عشر الوفي
مع كثرهن باقصى الحشا مستكنات = عداد خلق الله كثير الوصوفي
ونة طريح طاح والخيل عجلات = كسره حدا الساقين غاد سعوفي
على سيوف بالملاقى مهمات = سيفين أغلى ما غدا من سيوفي
وعلى محوص بالموارد قويات = أسقي بهن لو القبايل صفوفي
احشم بحشمتهم لو هن بعيدات = وأنام لو ان الضوارى تحوفي
خليتني ياعقاب ما به مروات = عيالك صغارٍ والدهر به جنوفي
من عقبكم ما نبكي الحي لو مات = ولاني على الدنيا كثير الحسوفي
ياطول ما جريت بالصدر ونات = على فراق معطرين السيوفي
ياعقاب عقبك شفت بالوقت ميلات = واوجست انا من ضيم بقعا حفوفي
مرحوم يا نطاح وجيه المغيرات = لاجن كراديس السبايا صفوفي
مرحوم يا مشبع سباع مجيعات = وعز الله أنه عقبكم زاد خوفي
الخيل تدري بك نهار المثارات = ياللي على كل الملا فيك نوفي
والخيل تقفي من فعولك معيفات = تاطا شخانيب الرضم ما تشوفي
لك اجمل التحايا والاحترام