°~*¤®§(§ شبـــكة ويــلان العـربـيـه §)§®¤*~ˆ° - عرض مشاركة واحدة

**احساس قلم** · 27/12/09, (07:23 PM)

القصيدة

بين الرياض وبين ديرة هوا البال=مسافة لو هـي قصيـره طويلـه
في عين غيري كلها بضعة اميال=والا علـي ياسعـود والله ثقيلـه
تثقل على المشتاق في كل الاحوال=خص(ن) ليامنـه تذكـر خليلـه
لو المدا فالبعد ماهـم لـو طـال=لو هو بعيد الدار والله لجـي لـه
لوبيني وبينه متاهـات واهـوال=اطا الخطر لعيون شقرا الجديلـه
مير البلا ياسعود من دونها حـال=يابو بـدر حالـت سلـوم القبيلـه
اسلوم مامالت مع الوقـت لومـال=عوايد(ن) ماهـي علينـا دخيلـه
عوايد(ن) يحسب لها كل رجـال=من قبل لايكسـب لنفسـه فشيلـه
عزي لمن حده زمانه على الجال=يلعبه الهاجوس فـي كـل ليلـه
لانام ثلثين العـرب جـر مـوال=مافي يده غيـر المواويـل حيلـه
ياوجد حالي لاطرالي على البـال=وجد اليتيم الي فقـد مـن يعيلـه
او وجد عود ماعطـاه الله عيـال=كبر سـن ولالقـى مـن يشيلـه
رمت به الاقدار في بحر الاهوال=عقب السعـاده واليـال الجميلـه
عليك ياللي مشغل بالـي اشغـال=يامشعل(ن) نـار الغـلا بالفتيلـه
يامحرق قلب الشقاوي بالاهمـال=قلبه وكبـده مـن سببكـم عليلـه
ان كان طال الوقت ماجالنا وصال=قولوا لـه يكفـن جنـازة قتيلـه