[منصور الرويلي]

[poem=font="Simplified Arabic,5,burlywood,bold,normal" bkcolor="black" bkimage="" border="double,4,gray" type=2 line=0 align=center use=ex num="0,black"]
نــزيـــف الـجــــــــرح ؟

0

يقولون الرجال ( عيون الرجال حراب ) = وأنا لي نظرةٍ تقرأ نظرهم قبل يقراني
قريت بنظرة الساخر ؟ وقريت بنظرة الاعجاب = وتهجيت بنظر شاعر مشاعر نبض وجداني
من أول مابديت ألمح عيونٍ باللقا ترتاب = عرفت الخوف وش يعني 0 وهذا سر رباني !!
كتمت البوح في صمتي مشاريه وغــلا وعــتاب = هجيت الحرف يمدحني ؟ مدحت الحرف يهجاني
وأذا للمحبه سـبـب ؟ أنا حبي بليا أسباب = أنا عشقي نزيف الجرح ولاعرف منهو الجاني
أحس بخافقي صرخه تزلزل من صداها هضاب =وأخاف أبوح لاصحابي قبل يدرون عـدواني
تعبت أمــيّـز العالم من الصادق من الكذاب = وصدِْمت بواقعٍ قاسي قتل حلمي وتحناني
أجيه بصادق النيه : أجيه ولا حسبت حساب = وعمري ماحسبت حساب دربي وين وداني
دخيلك يازمن أرحم ؟ دخيلك يازمن منصاب = ضِحْك منك الغبي ( معجب ) وضحكة منك بكــّـاني
غريبه يازمن أمرك ؟ تفرقنا وحنا أقراب = تغربنا .. وتبعدنا .. وكلن يكرة الثاني
وأنا كلي فدى النظرة من الحاجب الى الاهداب = فديتك ياأمل عمري ؟ فداك الشعر وأشجاني

0

مـنـصـور الـرويلي

20 رمـضـان 1426

[/poet]