[عبدالرحمن اليمني]

المشاركة الأصلية كتبت بواسطة سلطان الوثر

دعاني الشاعر حميد الخصايل=ونلت الشرف من حيث مثله دعاني
الخمعلي راع الفعول الجمايل=(حمد) عميد الجود جزل المعاني
والشك زايل والمعازيب وايل=عَلَم عليه النار طول الزماني

السلام عليكم ورحمة الله وبركاته
يشرفنّي التسجيل معكم في ملتقاكم العزيز
وأشكر الداعين حمد الخمعلي وحمد الوايلي







واوَّل الحضور بنص قديم بسيط آمل ان يرتقي إلى اذواقكم

على جدار الزمان وتحته وفوقه ومن حوله=وحيّي والمواعيد اللي اضْحَتْ غير ذكراهـا
لقيت ابيات تنكب في دواليب الزمن دولـه=فزَعت آلمّها واحجز خروج القلب لا اقراها

ولـكنّ الـهوى جـبّار =ودولاب الــزمن دوَّار
ولا مـلجا عن اللـهفة=ولا مـنفى عن التــذكار

هلا بك يامسا عيد الصيـام بـداري وحيّـي=هلا باوَّل سطر في صفحة الذكرى من كتابي
(هلا) وآقولها وآنا عن اللي مقبـل معيّـي=ولكن ..رُبَّ ليلٍ أغْضبهْ عشقـي ويرضابـي
هلا بك ياغزيلٍ سَلَّه الصبـح وذبـح غيّـي=كما ينْسَلْ مرهوف السيوف لْحد وِحْرَابي
يحيي بك خليلك والمكـان وعهـدك يحيّـي=وينشد لك طرب عينين وتصفِّق لك احدابـي
هلا في طيفك اللي ردِّني له مِجْهدِ خْطَيّـي=ينومسني على ذكرك واعبّر له عن اعجابي
أنا و(الليل) ؛ أو ماصاروا يسمًّونه: (الفيّـي)=كأنَّ الليل يجحدني سَهَر /والصبـح طَلاَّبـي
وإذا ماعاد عيد وشب عود وشعشـع الضيّـي=وحلّ افطار واستحلت بِكِر حبّـات الاعنابـي
ولبْسَوا من بياض وبلّوا الارمـاق بالميّـي=ولبْسنْ للبياض وكحّلـن طربـان الاهدابـي
صبـاح العيـد يااميْتِـي ويابيِّـي وياخيّـي=أنامالي معاكم عيد يـا احبابـي ويااحبابـي
أنا واللي فقد سنَّ الفرح في ضحكتـه زيّـي=يصوم العيد أرحم له من مْعايَـد وترحابـي

.

صح الله لسانك على هذه الأبيات الرائعه والشكر موصول لحمد الخمعلي وحمد الوايلي على دعوتك نتشرف بوجودك أنت علم من الشعار الكبار أهلا بك بيننا بشبكة الويلان العربيه