الوطن له حق والحق تحميه الرجال = الرجال اللي توفي بحق اوطانها
ياعسى شخص ٍ يحاول يضره للزوال = شارب ٍ فكر الغلو والامانه خانها
الوطن له حق والحق مايبغى جدال= جعل ناس ٍ يحتمونه رفيع شانها
الجنوب اليا تضايق يسانده الشمال= عادة الاخوان تاقف بصف اخوانها
كيف نهدي واحد ٍ مامشى غير بضلال = يحسب ان زود الدعاوي مثل نقصانها
علموه ان التوسط هو النهج العدال = قبل يهلك من سبب نفسه وشيطانها
الهدايه عن طريق البشر شي ٍ محال= الله اللي يهدي الناس من عصيانها
اتباع النفس في غيها داء ٍ عضال= والمعادن يختلف شكلها واثمانها
طامعين ٍ بالزعامه خبيثين العمال = الله اكبر يالشراذيم هي واعوانها
والله ليبطون ماحققو ذاك المنال = والرعية دايم ٍ في ذرى رعيانها
الزعامه لاهلها من قديمات الليال= ماتزعزعها ضعوف ٍ قصار ايمانها
لوتشوف الناس للفتنه اتسوق الجمال= ماتشب النار ناسٍ طفت نيرانها
ادري ان بيوتهم طين في جرف ٍ هيال = والهوى يصفق شبابيكها وبيبانها
طلقة الرشاش لو كان ماتسوى ريال = قيمة ٍ في قدرهم راجح ٍ ميزانها
البيوت الهامده مابها فيء وضلال=الخلل كل ٍ يشوفه على جدرانها
الامامه عند ابو بكر والمذن بلال= مانصلي خلف ناس ٍ تلوك السانها