[هيـاا العـازمـي]

المشاركة الأصلية كتبت بواسطة أحمد العواد

مابي كل تفكيرك ابي شوي منك احساس =مابي كل حبك بس ابي ما تناساني
ابي بس منك وانت جالس ما بين الناس =تذكر غلاي وتذرف الدمع من شاني
مابي اصير لك مثل الهواجيس والوسواس= ابي كل ما غفت عيونك تمناني
ابي لا سألوك الناس وشبك عسى ما باس =تطيح الحروف من المحبه وتقراني
وانا بشتعل لجلك مثل شعلة المجباس=على شان عن برد الشتا حب تدفاني
مابي يصير حبك لي حبرٍ على قرطاس=ليا انه انمسح تكتب على واحدٍ ثاني
تحديت فيك الناس والعاذل البلاس=وتحديت تعذيبي على انهاك وجداني
نحت اسمك بقلبي وقفلت انا الاقواس=وحضنتك ما بين القلب وجفون الاعياني
وشريتك بشي اغلا من اللول والالماس=بقلبٍ سكنته ما سكنه قبلك انساني
مادامي اني عطيتك غلايه بدون قياس=وش اللي حصل بعدالغلا ليش؟تجفاني
فراقك زفيروشهةٍ واحتباس انفاس=مابين الضلوع اللي على الوصل تنخاني
انا ما طلبتك شي كايد طلبت احساس=ابي منك لو طال الزمن ما تناساني

.
.

شاعرنا الرائع .. أحمد العواد

توجد عذب أخذنا إلى حيث الإمتاع

يصح لسانك وبووحك وفكرك على هالنص الراقي

وعزالله إن هجر وتجاهل الحبيب بدون اسباب مرض

تقديري

هيــــااااا