جمر الشوق
جيته وله وأشـواق ولوعـات وعتاب = جيته أســوق القلـب ســوق المطيـه
ولهان ولي شـرهه على سيد الاحبـاب = اللـي تــركنـي بيـــن ذيــه وذيــــــه
اقفـا وجمر الشـوق بالصـدر شبـاب = نـــار تواقـــد فـي ضلوعـــــي خفيـه
وظلم علي الكون ونور القمــر غاب = وصــارت بعينـــي ليلــــة سرمديه
والله مالي عنــــك يـــا زيــن مجنـاب = مهما حصل لا تــروح عنـــي شويه
في شوفتك ارتـاح ياعــز الا صحاب = وفــــي غيبتـك أدن انـــــا الهاشميه
والقلب من تحــت الحنايا تـــرى ذاب = ذوب الحديـــد بـوســـط نـــار قويه
يا صاح انا قلبي ترى اليـوم منصاب = وانت السبب تكفــــا تحــل القضيــه
وجاني يقول اليــوم ما بيننـا أحساب = لا لا تضـــن الخــــل ينســــى خويه
العهـد ما خنته تـرى ظروف وأسباب = ونتـه تـــرى للعيـن نونــــــه وضيه
واشر بنجل مـن تحـت ذيــك الاهـداب = اللــي سهومــــــه وردتنـــــا المنيـه
وارتـاح بالـي ونفتــح قدمــه البـــاب = وتسكــرت بيبــــان ذيـــــــك الأسيـه
السالفة كله كما حلـم كـذاب= صحيت يـــوم التــرف نــــادى عليه