انا ادري انك سالي" في غيابي = والعالم الله وش حصل في غيابك
الوقت من دونك شقاي وعذابي = والوقت من دوني غروره غدابك
اسهر مع الذكرى على حر مابي = أرقب صدى طيف" مع الليل جابك
واليا ذكرتك طيف حبك سرابي = واسري معه كلي لحضرة جنابك
وارجع مثل مارحت ماحد" درابي = اواسي اهات" سببها صوابك
اسقي ثرى دارك بوابل سحابي = وعطشّت دياري ماسقاها سحابك
حبل الموده يالحبيب اللتوابي = واليا بغيت اقطع غلاي اللتوابك
لكن ابعرف كيف اداوي مصابي = ومن غيرك خله يداوي مصابك
كانك لقيت اللي يعوض غيابي = انا بحصل من يعوض غيابك
عنك تراي اليوم قفلت بابي = واشره علي لاشفتني حول بابك