ليلٍ تباريحه مثل حد الحسام=بعثر احلامي بالليالي كلها
واشعل شموع الشوق .. واشتد العسام=وتاهت عزومي ما قدرت اشتلها
والغاده اللي ما يساعدها الكلام=جعل كثيرات الكلام افداً لها
يبخل عليها الصوت في رد السلام=يوم اكتساها لون يشبه ظلها
اطهر من الماء لنسكب .. وارقى مقام=وانعم وارق من الورود وفلها
درة بحر نادر ..وتجار الظلام=ودقة متاهات الدروب وجلها
ماهو بسوقه لا انتساب ولا انتظام=فضول فتنة هالزمن ما احتلها
بنت الشرف .. بنت الحسب.. بنت الحشام=ارقى حروف الوصف ما تاصل لها
استوطنت فيني ..واجل الاحترام=يموت خفاقي وهو ما ملها
لعل في صدري لها يطيب المقام=ولعلها تقراء مشاعر خلها