[النايفة]

يا إبن الحلال أنت وش تبغى بـ هالدمعة..
بتموت ما شفت دمعة ذل من عيني..

ماني حبيبك إذا ضحيت بـ السمعة..
لا ذلني حب ويش اللي تبي فيني؟..

لا تكسر الود يجرح راحتي جمعه..
يكفيك جرح الحشا لا تجرح يديني..

لا تزهم الليل كل اللي بقى شمعة..
هي كل شي تبقى بينك و بيني..

وهج المكابر تراه بـ يحرقك لمعه..
باكر ترى أقول لك ما عاد يمديني..

أبعدتني و القلوب القشر مجتمعه..
دايم و أنا القاك, دايم و أنت مغديني..

أدور أنا و أنت مثل السبت و الجمعة..
يا قربنا و الصحيح إنا بعيديني..