كيبورديهـ .. أتمنى أن ترتقي لذآئقتكمـ ..
ياجرح مالك صالح بخوتك لي = ليا متى و انا بوصلك أعاني
ارفق على اللي حي ماعاده بحي=حتى و لو نبض الأمل بالمحاني
جيتك رهين احزاني و طالبك شي=تطلق سراحي يا معقد لساني
أو خلني أعيش بافراحي شوي=حتى لو تخليني اضحك ثواني
ان قلت لك لا ترجع اتركني وعي=ما هو مهم اعيش بلواي ثاني
أهم شي ارجع لضحكات ماضيّ=قبل ارتكب ذنب الغلا في زماني
من جيت عالمها و انا عايش بغي =مكانها يجبرني اكره مكاني
حتى اني امشي يمها فارد يديّ = خيال شاعر يستبيح المعاني
ماهي قبالي بس يجذبني الضيّ =و من دونها شيطان عشقي دعاني
حلوه و أموره و ملقوفه و زي =بنت الدلع في زولها و اللياني
احبها لا والله الحب لا شي = يكفي غلاها خالد ٍ في كياني
الله مثبتها بقلبي مثل طيّ = اللي بحايل له مكانه و شاني
هي السبب في جيتي لآخر الحي=و هي السبب بزيارتي للمباني
اعشق شوارع حيّها يا بعد حي=و اموت فيها و الأمل بالأماني
اسرق شفايا الضحك و استدرج الفيّ = و اعيش لو جرح الفراق احتواني