اقترب اكثر واكثر لاتخاف ان شفت نور=ذا قصيدي يشتعل بك والخساره بحطبي
لا ألف ولا أدور ولا تلف ولا تدور=الصراحه مطلبك وانا الصراحه مطلبي
لاتخاف من الليالي دام مثلي مايبور = ماتموت من الغرق دامك ركبت بمركبي
ليلة البارح طويله هزت اركان الحضور= قلب عاشق , عين ساهر, ليلة" تحبي حبي
لين شفت الضيقه اللي تلتهم عين معسور=كربة" تهد حيل اللي على الشده صبي
لو حسبناها كذا فنجال دله مع بخور=ينثني راس الزعل لجل الرضا عند ركبي
ولو حسبناها عبث وانجلى مابالصدور= وقتها تعرف بانك كنت ساكن بهدبي
ليه يادرة زمانك ؟ منت فيني بمعذور= تكسر ظلوعي لكاعه يوم ترقى منكبي
ليه تجرحني كذا والعفو مامني قصور=مابوجهي من سواد الا حجاجي وشنبي
يا ملاك" لاحكى ينحت على صم الصخور=بالقصيد اللي قريته عند ناسك بسببي
طيب أضرب لك مثال وفرد حمزه لايثور=لني انسان" معرض للخطا ماني نبي
شوف شعب الصين كله لانهدم بالصين سور=مثل قبح الذنب الامحق لاغدا عذره غبي
بسالك بالله من هو فك شفرات السطور=ولا انا لاجيت للحق قلي وش هو مكسبي
غير جرح" من غنوج" مدت يديها زهور=لعن ابو جد الغلا قام يتلذذ بتعبي
يوم شفت الغطرسه ترسم على فمك غرور=اقتنعت الشارقه تغار من طاري دبي
اقترب اكثر واكثر لاتخاف ان شفت نور =ذا قصيدي يشتعل بك والخساره بحطبي
مزيدالمزيد
صح لسانــك وسلمت يمينك على هـــذه المعــزوفـــه الرائــــــــــــــــــــــــــــــعه
يقف القلم حائراً امام هذه الدره الرائعة التي أتحفتنا بها
لو حسبناها كذا فنجال دله مع بخور==ينثني راس الزعل لجل الرضا عند ركبي
صح لسانك مره ثانيه
تحياتي