الاعزاء اعضاء ويلان اسعد الله صباحكم
بعد غياب ليس بطويل اعود لأطرح لكم هذا البوح عسى ان يروق لذائقتكم
ودمتم
والله انك في مواجيب الرجال اكرم كريم= بس في سلم المواصل ياحبيبي ماأبخلك
مدلي مايرد الكريم الا اللئيم= مدة اللي ماذخرت يمناه من شيٍ ملك
مدة اللي ظاريٍ بالعطايا مايظيم= حاتميٍ الجود روس المراقب منزلك
مد كفينك غلا وارحم القلب اليتيم= اسعده محتاج عطفك مدله من منهلك
مدله مدة صخيٍ موسر وقلبه رحيم= ولاعطيت اجزل عطاك لمن طلبك ويسئلك
واصحى تكفى تنهره والله ليصبح هشيم= الله اللي وامرٍ لاتنهر اللي يسئلك
وسلامتكم
العيوووف