ماني من اللي يسمعون السواليف = وما وزع علومي مع فلان وفلان
ما غاض فيضي مثل غيض المغاريف = من جم نبعٍ والمطر ديم ودان
ولهرج حسرة والسوالف تكاليف = والصمت ونه كنها جمر نيران
في وقت كان العام كنا مواليف = موت احتراق الشوق وانهاك وجدان
هاك الرسايل حطها في مضاريف = قم ودها الصندوق من دون عنوان
بعض السوالف تندفع كنها السيف = وبعض السوالف كنها هذي مرضان
الهرج يا رجال ماله مصاريف = سولف مادام ان السواليف مجان
باكر يجي لك يوم ترجع لي معيف = كلك ندم وتقولي زلة لسان