ياغايتي ومناي وش فيك غايب=يانور عيني وش سبايب غيابك
ارسلك التقرير ويرد خايب=ورسايلي ردن بليا جوابك
من غبت عني اوجس القلب ذايب=تعال طمني وداوي صوابك
ضاقت علي كل الفجوج الرحايب=والفكر يسألني وش اللي غدابك
كان الخطا مني رضيت الطلايب=تعال عاتبني وانا ارضي جنابك
وإذا تغلي لاتزيد اللاهايب=يكفي سنينٍ جرعتني عذابك
وان عفتني او كان خاطرك طايب=يكفي بأني كنت حرف بكتابك
وإذا ظروف الوقت هن السبايب=يالله عسى دوم الفرج عند بابك