ودي أقـول حكايـة النـاس والبيـر
وكيف إتعبوا .. لأجل إيتهنون بالمـي
وودي أشبههـا بنفسـي وأنـا آغيـر
وأفهمك .. كيف السحب تقتل الضـي
( ودي ) .. وخايف يسمعن العصافير
وتقوم .. وتصحي معاها أهـل الحـي
نم يا قمر دنياي .. تصبح على خيـر
خل النهار يحـس بإنـه بقـى حـي
كل يوم أحبك غير .. والبارحه غيـر
بديت أحس إن الخلايـق ولا شـي !
إفرح .. إذا طالت علينـا المشاويـر
يمكن يزيد الشوق في داخلـي شـوي
مـدام حبـك .. قسمتـي بالمقاديـر
بأصبر .. وكن حر القوايل معك فـي
والله .. أحس ان لي جناحين وآطيـر
لامن ذكرت إنك ذخرت الغلا لي
خلك وسط قلبي .. لو يصير مايصير
كل الخلايق في وجودك ..( ولا شي )