السلام عليكم
دائما اشوف من شبابنا الشعراء يكتبون قبل اي نص كلمة ( كيبورديه ) بس ماعرف شنو يقصدون ؟؟
وانا ابكتب هالنص واقدمه لكم جديد طبعاً ولكن ماهي كيبورديــه راح اسميها ( وجدانيه من قلب عراقــي عنزي 
) واتمنى تنال على استحسانكم ..
:
:
الجـــــادل والغيــاب
ياتــلٍّ قلبـــي بـعد فرقــــا الغـضـي تـلـّــي=تــلّ المـواتــر بـ حــايـــل جــولة الرالــي
الجـادل اللي في حسنـه دوم متعلـّي=فوق الثريــا ودونــه مزن همـّالــي
حلو المـى والمعـاني , رمشـه امظـلـّي=تقول سيـفٍ صقيـلٍ بيد الهـلالي
مـع نفحـة الشـيـح لو سـجـّيت والظـلـّي=اشوف زولـه يجينـي يجلس اقبـالـي
في حزّة عصـيـر دمـع العـين مـنـْهـلـّي=ابكـي غيابـه وحيدٍ بالخلا الخالـي
ويـنه يجـيني يشـوف الحـال ويـطـلـّي=حتـى الحمايم غدت تبكـي على حالـي
ياوجد حالي وجـد رجـّال مـخـتـلـّي=الشعر شايـب ودالـه ويـّـا الاطـفـالــي
ويـا وجد حالـي وجـد صـوّام و مصـلـّي=يرجـي من الله رحمه وقت الاهـوالـي
عز الله انـّي بعد فرقــاه مـنـسـلـّي=يـون قلبـي عليــه و منشـغـل بــالــي
وعـزي لــقلبـي من الأحـزان مـنـشـلـّي=والهـم يطوي عروقـه والعنــى فـالــي
عجـزت لانســى غيابـــه .. ليت يحصـلـّي!=لو هي على الكيف كـان اعلنـت تـرحــالي
مااصعـب من المـوت! .. غير امفارقـة خـلـّي=لو خيـّرونـي ؟ لقـول المـوت اشـوا لــي
الشاعر / مشاري بن فالح البدري العنزي ( هاجس الحرمان)
:
: