السلام عليكم ورحمة الله
عذرا عن هذا الغياب الغير مقصود !!!
أشارككم بهذه الجديده ...
إذاالمصيـبـه مــاحـمــلها ولا راس
..........................عندي ولــي ربٍّ يشـيل المصــايب
تقــفـي وتقبل كنهـا حــد الأمــواس
..........................وأشوف فيها بـاللـيالي عــجـــايـب
تــدور دوراة الهبــايــب وتحـتــاس
...........................ويــديـرها عــني مــديـر الهبــايب
تجي على ساس وتفرق على ساس
......................... سبحــانه اللـي مــايخــاف العـقـايب
عاطـل دعاء غيره وتبشر بالإفلاس
......................... وفيه الدعــاء ماهـو بعاطل وخايب
أقرب على الأرواح من حر الأنفاس
.........................إصـــدق مـعـه تلـقـاه وقت النوايب
لا واحسافه هقوتي في بعض نــاس
........................ من نـاس فيـهم صادق الظن صايب
تـشــوفـهم بـأزوال وائـل وجســاس
........................ لكن صحيح إن المــراجـل وهــايـب
بقلوبهم مــافــيه لــو ذرة إحســاس
.......................كـن القـلـوب مـن المـشـاعر خرايب
والمشكله صــار التـغـير بـالأجـناس
......................... يـالله دخيلك مـن زمـان الـغــرايــب