.
.
طفل وارضي تركتني
.
.
.
قصه من واقع الحياه ...
طفل يحرم من حقه الادبي بمعنى سلب حقه في التعليم والسبب لأنه من فئة ((البدون))
تخيلو هذا الطفل كان يجري خلف والده (يبا متى تروضني) يعني متى تسجلني بالروضه..
الاب لاحول ولاقوه له ..فتخنقه العبره وهو يرى ابنه ينظر الى الاطفال من جيله وهم يذهبون في الصباح الباكر الى رياض الاطفال(الروضه)
طفل يحرم من الروضه ولكن ,,لم يحرم من حنان شاعر الأنسانيه الشاعر الشاب صياد عقله
وجهي عبوس ودمعتي جرحتني = عطف وحنان وبهجتي عنها مفطوم
ليه الطيور تموت تشتاق متني..؟= ليه الغصون ا تطيح ماتاصل نجوم
كف العواصف مارحمتني اصفعتني = ظلم ابتلاني وهذا انا طفل مظلوم
كان الامل روضه وسماها حرمتني = غاب الفرح في دنيتي وحقي مهضوم
ببكي بالم ليه روضتي اهملتني = رحت اركض الولهان لمعانق اليوم
ودي انام بحضنها واطردتني = ياروضة الاطفال ياجنتي دوم
صكيتي البيبان وامي بكتني = وجه البراء بهالزمن ظاع معدوم
صار الصبح كابوس واشباحه جتني = وشذمبي افقد غايتي طحت ماقوم
ضحك وضجيج اصواتهم شوقتني = بلعب مع اصحابي بفك قيد العموم
اتفس الحيره الين اخنقتني = خلتني الروضه حطام ومهزوم
عشت العذاب وصرختي موتتني = وشلون اعيش وروضتي منها مصدوم
من يجبر جروحي وهي كسرتني = طير وجناحي كسره كثرة سهوم
نور ابتساماتي طفت واظلمتني = اولى ابتدائي حضنها صرت محروم
صغير بصدري هموم اطعنتني = من حرموني روضتي وعمري مهدوم
شوفوا مراجيح الطفوله بغتني = صوتي ليامنه صرخ محدن يلوم
منهو يهزهز ضيقتي عذبتني = منهو يسليني وانا طفل مشأوم
صوت الطفوله يصيح ارضي تركتني = خوفي تعبى بالجسد كاني ملغوم
مزتني الاحزان لين طرحتني = خلتني الغرقان مااعرف العـــــــوم