جلست مع مجموعه من شلتي المعروفين بـ ( شادو قروب ) و كان بيننا واحد ما يفتح فمه إلا يطلع سؤال .. ودي أشوفه مره بس يسولف زي الرجال ههه و الله انه حبيب .. و فجأه و انا قاعد اسولف نط بوجهي قال : يا أخي أنت ما عمرك بكيت قلت : لا و حتى طلعت على هالدنيا و أمي تقول إني فاطس من الضحك .. وش فيك يا متعب قاطع سالفتي ع شان هالسؤال اللي مدري كيف طرا عليك .. قال : اتكلم جدّ .. قلت ....
.
مو معناها إذا ضحكت و فرفشت ان الدنيا صافيه لي .. و ان ظروفي تمام .. و ان حياتي كلها من صالحي .. بالعكس تمر علي ظروف لكن .. اتحداها و انا استمتع اذا تحديت الظروف لأن الحياه وحده وحرام نحرم ارواحنا لذتها .. و ضحكت ..
قال و هو يعدّل نظارته اللي كنها دربيل ( و الله مدري كيف خشمه متحمل هالنظاره ) إجابه صحيحه .. قلت : الله أكبر يا جورج قرداحي ..
المهم كملت سالفتي للشباب ..