ما جيت اعاتبك بغيابك و ارجّعك
....... جيتك ابسأل وش لقيت بغيابك
لاني احس الكون ماراح يوسعك
....... لجل كذا حسيت بالضيق جابك
كنت اعتبرك الحلم وامشي وادلعك
..... لين ارتديت الحــــزن قدام بابك
ضيعتني ما اقول ربي يضيعك
..... ربي يسهــل دربك اللي غدابك
خلاص ابترك روحتي يم شارعك
..... وامسح ايميلك و اكتفي في عتابك
على الأقل عطني خبر ثم اوادعك
...... فجـــأه تحطمني حكاية ذهابك
هذا وانا شاريك ما رحت بايعك
.... وشلون لو خنتك و بيّحت مابك