تعالي وأسمعي القصه تعالي جاوبي هالصـوت
تعالي شوفـي أحوالـي وقلـب ٍ فيـه حليتـي
تعالي داوي إجروحي تعالي ياسحـر هـاروت
ترى مالي بهالدنيا سـواك إن كـان ماجيتـي
تعالي قبل لايضحك من الفرقـا بنـا هلفـوت
يقـول إنـك بعـد حبـك لمحبوبـك تخليتـي
تعالي وإجرح ِالحاسد ترى اللي من ورانا الموت
وش اللـي بكسبـه لامـن توفيـت وتوفيتـي
تعالي قبل يكتبها لنـا التاريـخ قصـة نـوت
ترانـا الخاسريـن أثنيـن لامنـك تغليـتـي