بسم الله الرحمن الرحيم
اتمنى ان تحوز هذه المتواضعه على رضاكم وان ترقى لذائقتكم الشعريه الشامخه
كل مافيني ينادي وابضرب لك مثال=قلبي وعيني وسمعي وحسي والضمير
ودي اشرح ذيك الامثال في هذا المقال=كل واحد وش حصل به ووش رايح يصير
قلبي اللي من فراقك يناديلك تعال=انت يامرهف ياحساس يا انسان غير
مابقى فيني من البعد يالغالي احتمال=دام صار القلب بيديك مندوب وسفير
وعيني اللي في محيطك اتدور لك خيال=خايلت زولك امقفي وكاسيك الحرير
صورتك بالعين ماتمحي الصوره ليال=تدري ليش؟؟اقولك:لأني لعينك سهير
والمسامع مالها الا حروف اسمك مجال=وحد ابقربك تبشر والاخرى لي نذير
الصدى صار ايمن السمع والصوت بشمال=واصبح الخفاق من بينهن كنه اسير
والاحاسيس اتعبتني ومتعبها سوآل=غيبته وش تشبه ان كنت رجالن بصير
قلت اشبه غيبته بالقمر لاصبح هلال=وقلت اشبه غيبت الزين بالحد الشطير
والضمير يأنب الوقت والمشوار طال=سكة الفرقا طويله وتعبني المسير
آآه ياكامل وصوفك ولله الكمال=لد في نواف ماصار له بعدك نصير
آآه ليتك تعسف الوقت وعناد الليال=وآآه ليتك تعمل بخافقي حسنه وخير
انجرحت ونزف جرحي كتبته في مقال=بعدها لو زاد هجرك ترى الموقف عسير