يا صاحبي طولت بغيابك وليل الشوق طال
وانا اتحرى جيتك متى يجي توقيتها
يا الي غلاك بخافقي بين الحنايا ما يزال
شفني جميع الناس من عقبك ترى خليتها
مدري عشقك من عقل والا عشقك من هبال
بس الوكاد الروح لا منك طريت احييتها
يا بو شفايا ان حكت كن الشهد با الريق سال
والنظره اللي سحرها ذباح يخرب بيتها
ولا رموشك كنها صفت جيوش الاحتلال
ما بها مساحه وسط خفاقي ولا احتليتيها
هزمتني من غير جيوش ولا دروع ولا نزال
بعيونك النجلا حسمت المعركه وانهيتها
البعد نار انا على بعدك سريع الاشتعال
وش حيلتي لا صار في وصلك ولا طفيتها