تعال بضمك بقلبي
تعال وارتاح على صدري
تعال لاتخلي الخطوه
تفرق بينك وبيني
تعال وإنسى معي جروحك
وخل روحي تضم روحك
تعال وإن ضاق فيك الكون
مكانك داخل بعيني
تعال أرجوك لا تبعد
ولاتقسى ولا تعند
وتذكر يوم كنا أحباب
ولاتنسى شوقي وحنيني
تعال ما أقدر على بُعدك
حياتي صعبه من بعدك
تعال يا اغلى مافي الكون
تعال إن كنت شاريني
وإذا بايع فمان الله
إتركني للألم والآه
حياتي بتنتهي بفرقاك
وبتظلم بعدك سنيني