قال الشاعر / علي محمد علي الحربي
سر يا قلم وأنته على البوح مأجور = من عند رب فوق السماوات عالي
الخالق العالم في السر وجهور = الواهب المعطي عزيز الجلالي
اليوم مانته على الصمت معذور = والحق مهما كان لازم يقالي
ومن تخاذل عن الحق مثبور مثبور = ويعيش في درب الشقا سي الفعالي
اليوم لا بد نتحيزم ونثور = وعرض النبي نفداه في كل غالي
ولا نرضى يعتدي أي محقور = على العفيفات الطاهرات راعيات المعالي
سبهن يعتبر ظلم وجور = وتنقصن في قدر سيد الرجالي
الطاهر المعصوم من الحور والكور = الصادق المصدوق في كل حالي
الماء بين يديه يتفجر ويفور = وبدعوته تنبت أرض محالي
الشافع المشفع عقب نفخة الصور = اللي نشر الحق يمين وشمالي
عليه سلام الله على مر الأيام وعصور = عليه صلاتن كله ماجاله مجالي
وزوجاته حبيباته حصينات وطهور = إختارهن الله عظيم الجلالي
رضن على الشدات والحال ميسور = وتنازلن عن دار الفنا والزوالي
قدرهن عالي في القلب محفور = عند الذي قلبه من الغل خالي
أما الذي صدره من الحقد محرور = قام يتكلم بشئ تصديقه محالي
وظلم بنت الصديق في بهت وزور = حبيبة نبي الله كريم الخصالي
كم حديث ياأهل العرف مشهور = راويته لنا الطاهرة بنت الرجالي
أم لنا نقولها بعز وفخور = غصب على أهل الخنا والرزالي
تلقى خبر طهرها في سورة النور = يالخايب الظالم يالمكتسي بالخمالي
قام يهذا ويتهبد كنه الثور = ما يدري إنه عندنا تحت النعالي
ولا يدري إن الآخره بها حزن وسرور = ولا يدري إن أعراض الناس جرف هيالي
يوديك من حادور في وسط حادور = والمنتهى نار ماله بدالي