طار الحمام وغردن العصافير=ساعة فراغ وكنت جالس واغني
وجتني حمامة لي تسوق التباشير=قالت حبيبك جاك خل التمني
وفزيت واقف ما قدرت التعابير=من فرحتي يتلعثم الحرف مني
ثم اقبلت تمشي وتبدي المعاذير=قبل وصوله في مسافات عني
لين وصلت عندي وقالت مسا الخير=ثم جاوب القلب الجريح بتأني
يسعد مسا كل المحبين بالخير=الا مسا سكينك اللي طعني
سكينك المسموم ما عنه تبرير=مالك عذر في جرح مبطي سكني
راحت ودمع العين في عينها يحير=وانا جلست وهالعصافير جني
جلست وانا اقول يا طير يا طير=الله حسيبك كان خيبت ظني
كنت احسب انه شخص عن البشر غير=وانته تبشرني بشخص طعني