ابيات خاصه ليوم عيدي جعل الله ايامي وايامكم أعياد
متواضعه اتمنى ان تشفع لغيابي لديكم
ياصاحبي بحضرة جنابك شفت هذا اليوم عيد
................................عيني بعينك تبتسم وكفي تحضنه بين يديك
يهل وجهك بعد صوم منشفٍ دم الوريد
..............................وتسقي عروقي بالغلا من يوم عيني تلتقيك
وألبس لك ثياب الفرح واتزين بعقدٍ فريد
..........................واتعطر انفاسك وأضم العطر من شوقي عليك
وتضم خفاقٍ ذبحه الشوق من همه وحيد
........................من ابتدا شهر الصيام يهوجس ان جيت او يجيك
وانتا تغيب وكن قلبك تسكنه قطعة جليد
...................................ماشلت هم الي تحرى وكل صبحٍ يرتجيك
ولاجيتني بعد الغياب تقول مشغلك الجديد
..................................وتنثر حروفك يالغلا واقول يرضالي عليك
أمانتك لاتقطعك عني شياطين القصيد
..............................وأبقى رهينة حيرتي واموت من خوفي عليك
ذاك النهار الي دعاني لديرتك يومٍ سعيد
............................وأرض المطار الي جمعنا في سعد حظي شريك
الــــ ع ـــــيوف