وصلت لدنيتي وحدي ابد مالي خيال انسان
مللت من الرحيل إللي خلق حزن اتجاهاتي
رجعت وداخلي طفل يحب الياس والحرمان
يتيم فرحه الايام يحاصرهــــا انكسارتي
تعبت احمل دفاتر حزن أردد كلمه النسيان
لفا يوم الوداع اللي يداعب همسه شفاتي
تحريت الفرح لكن خياله مر لي مابان
سوى حزن يجدد أجمل أيامه مع ذاتي
تصورت الأمل انسان جارح يطلب الغفران
وشفت ان الفرح شعب كبير غادر الأوطان
كتب تاريخه احساسي ودونــــــــه بسجلاتي
بقى حلمي وأنا لوحدي ودرب بيننا حيران
جعلني صمتي بموقف امام أصعب خياراتي
ومدري من غلط فينا أنا ولا القدر غلطان
وطاحت مني الدمعه غصب رغــــــم احتياطاتي
حسافه كانت الذكرى على طاري الفرح أكفان
يجمع لحدها البسمه وصوت آمال ضحكاتي
وأنا عقب الحكي كله حرقته صار لي دخان
أثاري كل ماقلته كلام يدينــــــــه اثباتي
قصيده واقعي تصدق ولاتعرف معي نكران
وشعور في قلم ذاتي يعيقه سيــــر كلماتي
وأخيرا: قلت في نفسي كلام وشب لي نيران
ابحرق كل اشعاري وابسمع راي جمراتي.