يمر يوم .... وكل يوم يمر احس اني حزين
امسي على ضيقة صدر واصبح على ضيقة صدر
قالو الفرج عقب الصبر قلت الصبر همن دفين
قالو الوفي طبعه وفي قلت الزمن كله غدر
قالو الصدف قلت الصدف ما عشمت طول السنين
قالو القدر قلت القدر من اللي يردك يا قدر
قالو الامل قلت الامل مثل السراب اللي يبين
قلت العهد وانا على المطلاع وسط المنحدر
قالو تشوفه قلت اشوفه في حلوم النايمين
اصحى على شوفه وانا خدران وارجع وآخدر
قالو وش اللي تذكره اذا تناولك الحنين
قلت التنهاتة اذا طروه والدمع يحدر
قالو يخونك قلت انا يا كرهني للخاينين
لو خانني ضاع الوفا فالناس الا ما ندر
قالو نسيته قلت واللي له حنا المسلم جبين
ما انساه كود الناس تنسى الليل ومطلاع البدر
قالو كم اللي راح من عمرك شقا قلت سنتين
عامين وانا اغرب الخطوات والقلب يحدر
قالو الكدر ويش الكدر قلت الكدر مثل السجين
ان عاش في سجنه كدر واذا طلع عاش الكدر
قالو سواتك ويش يسوي قلت بين الحالتين
اما توفى من غبن والا قضى عمره هدر