يقول منصور في .. رفاهة حس وشبوب مشاعرة عن الكرم :
أمـر مـر مـر فـي دنيتـي لـي = وأمر مـر مـر لـي فـي حياتـي
ليا جاني العاني وانا ما معي شـيء = ودي تجينـي قبـل ياتـي وفـاتـي
إن اعتذرته ظـن ظـن الـردا فـي = وانا الردا ما هو صفه من صفاتـي
أضحك وأهليبه وأنـا منكـوي كـي = من خوفي التقصيـر فـي واجباتـي
ومن لا اشتهر بالجود صيته وهو حي = ما طلع له صيـت عقـب المماتـي
وهنا يظهر منصور بصوره غريبة بهذه الأبيات :
يا هم يا للي في خفا خافقي طلـت = أرحل ترى منصور قرب رحيلـه
يا هم جاني ما كفانـي وحصلـت =حالي قضى وعظام جسمي نحيلـه
يا هم أنا اخفيتك بصدري ولا زلت = أخفيك خوف أهل النفوس العليلـه
اخاف قول اللي يقولون لـو قلـت = اللي سوالفهـم عـراض وطويلـه
لو حملوا سلمى مثل مـا تحملـت = صاحت لـأجا ن جور حمل تشيله
لو أن سنجار الجبل شال ما شلـت = مبطي شكى ضيم الحمول الثقيلـه
أصبر ولو شفت الزمن مال ما ملت = واقول يمكن يعتـدل عقـب مليـه
هنا يعرج بهما إلا خالقه سبحانه وتعالى :
حلفت أنا ما اشكي على الناس همي = إلا على رب البشـر جالـي الهـم
عناي أنا ما اشكيه حتى على أمـي =لو كان مابه حي أرحـم مـن الأم
عندي خبر صفو الزمن ما يتمـي = لو يستمر سنين وشهـور مـا تـم
دنيا تفـرق يـا سعـد مـا تلمـي = شره يعم وخيرها خص ما عـم ؟
هنا يتغزل منصور في مجهول ..... لا احد يعرف من هي التي سلبت قلبه وعقل :
الناس ربـي مـن تـراب خلقهـا = وغنت اللي من جوهر الناس مخلوق
والنـاس سواهـا الولـي م فرقهـا = بس انت عن كل البشر صاير فوق
انت البحر فيه فيك البواخر غرقهـا = وانت السحاب اللي به أمطار وبروق
وانت الجحيم اللي حياتـي حرقهـا = وانت النعيم اللي يشدن لـه الشـوق
ألطف بروحـي لا تسبـب زهقهـا = وألطف بقلبٍ من عنا الود محـروق
وأسق الورود اللي تساقـط ورقهـا = والحق على جسم غدى جلد وعروق
وقال ايضاً في الغزل :
في محيط الحب في بحر الغرام = كادت الأمواج تغـرق مركبـي
في سواد الليل في عتم الظـلام = حقق الله بعـد ياسـي مطلبـي
جيتها في بيتهـا قلـت السـلام = قالت الله لا يجيبـك وش تبـي
قلت أبي عطف ولطف وحترام = وفي شعور أهل الهوى لا تعلبي
جيت أبي أضمك وترخين الثـام = لين انا اتعب منك وأنتي تتعبـي
جيت أبي ارصك وأمصك بغرام = حيث بين شفاك غايت مطلبـي
قالت ابعد مطلبك هـذا حـرام = قلت لكن صار في عصر النبي
الحرام الصد يـا بـدر التامـام = والحـرام البعـد لكـن قربـي
وقال أيضاً في الغزل ولكن بلهجة الغضب :
محتار فيك اليوم واحتـرت مبطـي = وش قصتك بالضبط حيرتنـي فيـك
تخطي تجينـي تعتـذر ثـم تخطـي = وتزعل وترضى قبل اجيلك وراضيك
أطلبك ما تعطـي وتبغانـي أعطـي = وياما عطيتك بس ما عدي أعطيـك
وأحكي معك بإسلوب للصوت أوطي = وإنت بكلامك تزعج اللـي حواليـك
لا شك رايح نكشـف اللـي تغطـي = وافهم حقيقة حاضرك قبل ماضيـك
بـقلبي سطيت ورايح بقلبك اسطـي = واخذ بثـار جـروح قلبـي وخليـك