.
.
أنا أحسب إني في فراقـه تشافيـت ..
.. وان عبرتي من مدخل الزاد زاحـت
اللي يحسب إني على البعـد سجيـت ..
.. والا ان عيونـي للرقـاد استباحـت
ياليتني مـن قبـل لا أحبـه اقفيـت ..
.. والا ان دروبي عن دروبـه تناحـت
أهون علـي مـن البكـا والتناهيـت ..
.. وأشلا من سدودٍ على النـاس باحـت
عرفت كيف الحي يفرق عن الميـت ..
.. وعرفت قيمة نعمتـي يـوم راحـت
قولوله انـي عقـب بعـده تدانيـت ..
.. ورجلي عن دروب المعافين شاحـت
البعد نـار وطاعـة العـذل كبريـت ..
.. يقصر علي بعده .. ترى الكبد فاحـت
,
,
التعب .. محمد بن فطيس