صديقي الرجل وأطراف الناس عوره ..
فما بالك بجرحها ولا مزارقها
((اختارها خيرة المبلي لدكتوره ..
واتعب على عروق اهلها اللي تلاحقها ))
وركز على دينها والعقل وحضوره
وشفها وحاول تعرف اللي ترافقها..
الزين غسل اليدين ولذته فوره
عليك باخلاقها اللي ماتخلقها
وان سهل الله وزان الحلم باموره
الغاربه في التعامل لا تشرقها
كن مبتسم مقتنع بالله ومقدوره
وشوف احلى مافيها من اشياء واعشقها
اشفق لها شفقة الشاعر لجمهوره
تحفظ حروفها من قبل تنطقها
وان ضايقك شي خل عنادك وجوره
اهمس في اذنها عتب وانته معانقها
العمر قصير والايام معموره
ماتستحق انك تضيق وتضايقها
(((وان شفت مايظهر الرجال عن طوره
لاتكسر في نفسها ولا تعلقها
سامحها واقطع طريق الشر وشروره
او ردها لبيت شايبها وطلقها ))))....
مايضمحل الرجل في عيون غندوره؟
الا لاعدت خطاياها وخانقها
ومايستزيد الرجل في عيون غندوره؟
الا لاطوف خطاياها وصادقها..