مارحت من كيفي ولا اقدراخليك
مير العواذل من سببها جفيتك
ماقد على بالي طرى يوم اجافيك
وانت تعرف ماقد بيوم(ن) نسيتك
لوهي على كيفي ورب لاجاريك
حتى تجي روحي وعدها فديتك
انت الوحيد الي من الناس مغليك
وارخصت كل الناس وانت اشتريتك
خليت قلبي في شعوره يداريك
والقلب لك وحدك وروحي عطيتك
اموت بك واحيا ومغرم انا فيك
مجنون في حبك وكلي هويتك
لاتحسب اني يوم صديت مابيك
ولابعد ذيك السوالف نهيتك
يعني تركتك خايف الناس تبليك
في هرجها يمكن يوطون صيتك
بالله ياخلي انا اليوم برجيك
تلطف وتسمحلي لاني عصيتك