بوووح من الروح
مستانسة ؟ ! ... الله يزيدك وناسة = وأنا .. ( وصالك ) غايتي ونسيني
وش قيمة المخلوق من دون ناسه ؟ = يا روح روح الروح يا نور عيني
أما نتعامل بالوفا من أساسه = وإلا طلبتك بالوفا كـرّهيني
وإن كان قلبك ضد قلبي حراسه = وش فايدة نبضي ولهفة حنيني ؟
كانت ثلاث سنين طيش وتعاسة = لكنها أجمل ما مضى من سنيني
ما كنت أحسب الحب يبغى دراسة = وأنا رسبت بمنهجك سامحيني
ودام اشتياق الروح عندك سياسة = أنا جهلت سياستك واعذريني
يا آنسة .. هو حب ؟ وإلا حماسة ؟ = وقبل الإجابة طالبك تفهميني
طموحي أكبر من مجرد رئاسة = هذا طموحي وافهمي واسمعيني
نفاع ..قبلك ما حدٍ جاب راسه = وهذا هو اللي ( هدني ) صدقيني