دق جوآلي واحس القلب يومه دق .. دق صفر خمسسه اربعه .. واخره خمسه سبعتين .. قٍلت في بالي وش الطاري عسى المحبوب رق من ثمان شهور ما يسال عسى الطآري حنين .. المهم اني ذكرت الله .. وقلت الله حق واضغط الزر المحدد .. سم .. عفوا .. انت ميين .. ! قلتها وانا اعرفه مير الثقل حل وسبق قال انا اللي متصل وارجوك زينها تزين .. قلت ( يعني ؟ ) قال يعني شوفني ميت زهق ودي اسولف معك من غير جيم وغير سين .. قلت تامر قال تسلم وابتدا كشف الورق واسمعه دق ( السبيكر ) قلت .. عونك يا معين .. قال وش حالك عساك بخير ..!! قلت الخير طق من عقب فرقاك يا قاسي غدا حالي حزين .. قال قلبك وش علومه .. !! قلت قلبي احترق ما قوى هجرك ولا بعدك ولآ قهر السنين .. قال شعرك !! .. قلت شعري .. ؟! لا ابد طب وتنق كل خفاقي قصايد .. من يسار ومن يمين .. قال كبه .. قلت اكببه .. قال والمركب غرق .. قلت مركب ايش هذا .. قال طحت بهالكمين .. !! ماني بصاحبك بس آرجوك من يسبق لبق .. انت اسلوبك عسل .. وانفاس حكيك يآسمين .. بالغلط دقيت .. ! واحمد ربي الرازق رزق والله اعلم انك مشبه على شخص ثميين قلت لحظه .. !! ماهي الدعوه صحن وخبز ومرق اصبر اصبر خلني .. اعرف مكان اللبس وين !! قمت اراجع رقمك الموجود واشوفه فرق !!! انت خمسه سبعتين .. !! . . . وذآك سبعه خمستين ..