اقتباس:
المشاركة الأصلية كتبت بواسطة بنت الكحيلا
اخفي جروحي كلها رغـم الآلام=وضحك وانا يانوف نفسي حزينـه
ما همني يا خيتي مـوت الأحـلام=مير البلا نزف الجـروح الدفينـه
لا تعذلين القلب والقلـب منظـام=عاش الهموم اللي تغـرق سفينـه
مرت علي اعوام واعـوام واعـوام=وانـا لهمـي والمشاكـل رهينـه
كني انـا لوحـة وقـدام رسـام=حاولـ يعدلهـا وتعبـت..... يدينـه
ويوم ن تعب شخبط عليها بالأقلام=وأخفى ملامحهـا بقبضـة يمينـه
هذي حياتي كلها حـزن واوهـام=وهذا الذي يانـوف مـا تعرفينـه
حطمت في حزن البشر كل الأرقام=واللي مثل حالي عسى الله يعينـه
وما يشكي المسلم على الناس مادام=اللي مقـدر لـه يشوفـه بعينـه
يارب زين مـا بقالـي مـن ايـام=يا واحدن يسمـع نـدى سائلينـه
|
شاعرة المعنا الجميل
بنت الكحيلا
الله مااروع قلمك ومااجمل شاعريتك ........
صح لسانك
ودمتي كما تحبين اختي الفاضله