بسم الذي انزل تبارك وياسين=الخالق الرزاق رب البريه
محصي عظام الآدمي بالملايين=وجامع ألوف الناس عنده سويه
اطلبك يارزاق عبدك بساتين=ومنزله بالخلد بعد المنيه
ترحم ابوي اللي رحل عصر الاثنين=ماقال ( أف ) وش هالحياة الغثيه
راضي بحكم الرب بالزين والشين=مصلي(ن) فرضه ونفسه نقيه
ماطاوع الشيطان وايا الملاعين=يامر وينهى متعظ في نبيه
ترحمه يارحمن وتسكنه عليّن=وتجعل له الانهار شربه هنيه
وختامها صلاة ربي ملايين=على نبي الخلق سيد البريه