السلام عليكم ورحمة الله وبركاته
اعزائي اعضاء هذا الصرح الشامخ اليكم هذه الابيات المتواضعه امل ان ترضي ذايقتكم وتنال اعجابكم
وملاحظات الجميع تهمني حيث اني مبتدي والمجامله لايستفيد منها المبتدي بل هي دمار لمستقبله الشعري ،،،،،،
احترامي للجميع
الله علــى اللـــــــي اليــا مني تنــــاوشته =يدنــــــي بعيـــد المســافه واتهقوابه
جيباً رمـــــــوز الوكــاله فيـــــه ناقشته =(vxR) كلــن يبيــه ونــايل اعجابه
اليامشى مثل شــــيخ(ن) لابسٍ بشته= والياوقف مثل حـــر(ن) فوق مرقابه
منـــوت سجيناً اهمــــوم الوقت دايشته =محكــــوم بعــــدام والاقـــــراب طلابه
لـــواملكـــــه كان هـــــــم الدين طنشته =والفقـــر ضــّيع طـــريقي وانقفل بابه
ياحظـــي المنســــدح وشــفيك ماحشته =حتــى يطيب الكــــرى للعيـن واهنا به
مانــي بباغيــه للكشـــــــــخات والكشته = ابيه في لازم(ن)يمشي على حسابه
ابا اســــري اللــيل ولا اجـــهم مـع غبشته = فكـــري دليلـي وعـز السيف بنصابه
اباصــل الـلـــي غـــلاهم شـــيّد احوشته = من بين عــوج الضلوع يشـد مقضابه
ياشــــــفت ابـويه علــى دلاله وناقشته = يرتاح قلباً مــــع الهاجـــوس يسرابه
الهاجـــس الـــــي مطفشـــــني وطفشته = هــذي تراها تجـي وحده من اسبابه
الـــوقت يا راعــــــي المعـــروف عايشته = عـــرفت الايـــــام والايـــــــام قلابه
كــــــم واحـــدٍ لوعطته ايامــــه اقرشته = جنــــه سهــــــوم المنايا واقفت اركابه
وانــا الحقيقه صـــديق الــــزيف همشته = عرفـــت داب الشــــــعيب وحية الغابه
وعـــرفت ذيب الرجــــال وعارف دبشته = ماكـل مـــن هــام راس الضلع يرقابه
والشــــاعر الي بيوت الشـــــعر مبلشته = اعطيــه موجــــز عن المضمون وكتابه
وسلامة الجميع